COMIMG SOON
new santaishayari
ঞেঞেল কানায় ধৗরতি জাকাৎ
খেলকান ক তিনৗঃ খেলোডিয়ৗ
অকয় দক হৗরৗঃ কান
অকয় দক জিতকৗরঃ কান
অকয় কওয়াঃ দ হিডির হিডির
সিঁগি ঞিঁদৗ মেদ দাঃ জরঃ কান;
খেলৗড রেনগে খিলৗডিয়ৗ
সৗগুন আর সারনা
মিদগে আতোরেন গিদরৗ
মিদতে লকা ঘুটি
মিদতে মেরম গুপি
উকু চুকু খেলডু গাতে গাপাতে
হারায়েনা কিন লেগেজ
দারে সাকাম;;;
গিদরৗ উমের
বাংকিন ছাপাডাঃ কান তাঁহেদ
আকিন বেগর;
হারা জুওয়ৗন
দুলৗড় তনল তেকিন
জড়াও এন
সৗগৗয় তপল এন তাকিন
সাং বাঁদো নৗড়ি;
খেলৗড খেলৗড অৗরি
ধুৃড়ি সিঁদুর ইপিতুদ
গিদরৗ উমের উইহৗর হিজুঃ
সারনা মনে অন্তর অৗনৗয়কৗও;;
হারা পহাল লেগেজ দারে নাড়ি
আতো ছাটকা লেবেদ লসদ
সাগুন সুপৗড়ি
জিওয়ি ছাটকা লালে চাপেঃ সারনা মনে
নাওয়া পেড়া সাগুন সিগিল;;
লবৎ লসদ সৗগুন মনে
মায়াম কুঁডি পসাঃ অন্তর অৗয়কৗও
সেরমা কেচাঃ ধৗরতি পাতাল সেদ বল
মনে জিওয়ি
অকাগে বাং থিতঃ গটা সৗরি;;;;
সাগুন মাহা নেডা গটা
ডাক টামাক তুমদাঃ রেগড়া
রম-ঝম সাঁগে বৗরয়ৗত
সেটেরেনাক আখড়া তালা
সিঞ চাঁদো বেড়া মারশাল
বলয়েনা ক ছামডা লাতার;
সারনা অড়াঃ কচা
মেদ দাঃ জরঃ হিডির
বাং থৗয়থিতঃ গটা সৗরি
হড়ম এসেদ সাসাং সৗড়ি,
তিরে আরাঃ পোঁড চুড়ি
তুল অডোক এ ক দৗওড়ৗ চেতান
রৗহি বাজন রমঝম
সাঁগে বৗরয়ৗত সাগাল
পেড়া পৗড়হৗ গট!!!!
সৗগুন মনে অকয় আয়কৗও
বুরসি সেঁগেল দুঁগুদ লঃ জিওয়ি
উইহৗর কেনেকতে রৗস্কৗ
উকুচুকু খিলডু হারা জুওয়ৗন
গিদরৗ উমের;;;
মিদ ডঁডেক জিওয়ী জোলোঃ
সারা সেঁগেল দৗও দৗও
বাং সাহাও দাড়ে;
মনে বিছক গটা সৗরি
জিওয়ী জৗতি আঁজেৎ সৗরি
মুরলি তিরয়ৗ তি সাব
সবরনাখা নৗয় আড়ে
জিয়ন জৗতি বোহেল;
উডুঃ ডুবুঃ তালা গাং নৗয়
জিয়ন জৗতি আঁজেৎ!!!!;;;;
সারনা মনে আস পাসাও
বহঃ চেটের ঞুরুঃ
বিজলী বৗতি ইঁড়িজ নিঝুম,
সেরমা সরগ ডিগ ডিগ
জুলুঃ ইপিল
তেহেঞ ইঁড়িজ!!!
সেরমা সরগ রেন সিঞরাজ
তেহেঞ হয় বেঁগেদ আকাদ
ধৗরতি জাকাৎ---
অকয় দক রাঃ এদ
অকয় দক লাঁদায়েদ
হাঃ.....; হাঃ.....; হাঃ....;!!!
0 Comments