SANTALI SHAYARI
Search ON Youtube - Santali Shayari
মনে বুঝৗউ মনের জ্বালা--
গাগায় বাহা মালা,
তালা হররে আখরি ঞেনা
অকয় এমায় তেলা?
মনে বাঙেয় রেবেন রেঁহ
সাগুন নেডা য়েনা,
হপন মৗইয়াঃ মলং হররে
রিমিল রাকাব এনা,,
রহড় বারডু ঘুরলৗউ য়েনা-
বাপ্লা নেডা য়েনা,
আকাল দাঃতে সঝে ডাহার
তাড়াম লসদ এনা,,
দ- বাটিরে সাকম রাড়াঃ-----
সাঁওতা সমাজ কাঁড়াঃ,
ফেডাৎ রেহেদ অকয় পাঞ্জায়
হররে অকয় তাঁড়াঃ?
নাওয়া পেড়া ঞেলরে ঞেপেল
রুপরে মেঃদএ খেল,
অনা রেগেয় চাপে কুশি------
মনেদ বাঙে ঞেল,,
হাটরে লেকা আখরিঞঃ আ
তেহেঞ মনের বাজার,
আতু হড়ক কার বৗরিয়া-----
ঞেলঃ হাজার হাজার,,
ঞেলতে মানমী বাক ঠিকৗঃ
চরক সাঁওক সিকৗঃ,
কাঁড়া মানমী চেদএ চিকৗয়-
মঁড়ে হড়ক ঝুকৗঃ,,
মনের ভিতির অকয় বলন
অকয় অনায় খলন,
মনে পাঁঞ্জায় মনের বাজার
উনি চাবায় জ্বলন,,
নাপায় নাপায় অলং মলং
তেহেঞ চেদাঃ সলং?
বাড়তি মাত হুয়ুঃ তেহেঞ
জৗতি রেনাঃ কলং,,
সাঁওতা সমাজ দেবন গৗরি
নাওয়া তেবন হিরি,
বদল ছদল কাতে সাঁদেশ
নাওয়া তেবন অৗরি,,
হপন মৗইয়াঃ নওয়া অনল--
আজাঃ জীওয়ি খনল,
তিসরে হাপে আদিম হপন
নওয়া রড়ক তনল?
0 Comments