Ale Bare Ge Gomher Umul Tisdo Bili Tale - আলে বাড়গে গোম্ভেড় উল তিসদ বিলিঃ তালে || SANTALI SHAYARI

SANTALI SHAYARI

Search ON Youtube - Santali Shayari

আলে বাড়গে গোম্ভেড় উল
তিসদ বিলিঃ তালে?
আষাঢ় শান মায় বলয়েনা
নিতমায় উয়ুং তালে,,
চেঃদ ইতৗলে রহয় কেদা
নিতহঁ গাদার গেয়া,
বিলি উলপে খজঃ কানা
চেঃদলে এমা পেয়া?
হৗলি ঝৗলি চেতান চেতান
মেনাঃ আকা রেগে,
আশ মনেমা বাড়তি তাপে
ককয় ইনকৗ তেগে,,




অঃ বিলিমা বাপে কুশিঃ-
দারে বিলিপে খজঃ,
সারি কাথালে মেতা হাপে
গাদার বিলি জজঃ,,
আর কটাদিন বাদরে বরম
হিরি ইদি লেপে,
আপে কুশি ঞেল চিয়ৗতে-
বরম তুয়ুঃ আপে,,
সারা ঘাড়িপে উয়ুং উয়ুং
চিকৗ দারে বিলিঃ?
কুমড়ু বতর হর সানাঞ-
পালেন ডাঙে তিলিঃ,,




শহর বাজার পেরেজ এনা
উলতে বিলি সেয়া,
ঝান্টি এটেদ বাড়গে উল-
চেতা এটাঃ গেয়া,,
কুডৗম সাতে দুড়ুব আপে
তাঁগি বিলি য়াপে,
দুড়ুব তেগেপে পুটুর পিডৗ
চেদলে লৗই আপে,,
আশদ আপে আপে তেগে
সিবিল মচা রেগে,
বাং এমতে রাগিঃ আপে--
মচা বেগে বেগে,,
সানাম গেলে হাটি ঞাপে
কৗচদ তাঁগি পে,
ভাদো রিয়ৗ গোম্ভেড় উল
চাখা বিডৗউ পে,,



Writer :- Paran Chandra Baskey

Free Forward Mobile Message

__________

Apna Friend's Ko Share Kare