SANTALI SHAYARI
Search ON Youtube - Santali Shayari
স্কুল কলেজ তালে ছুটি
চেদ আদলে কুটি,
ডাহি ডুংরি দুড়ুব দুড়ুব-
হড় কাথালে টুটি,,
গেল ইরৗল উমের হুয়েন--
সাগুন দাঃক লুয়েন,
তিসপে কয়গ দিশম পেড়া
হহ কাথা লৗইয়েন,,
মেঃদ এ কয়গ তালে কাসা
তিসরে হুয়ুঃ বাসা,
তিসে পেরেজ হেড়েম রাসা
নিয়ৗগে মুচৗদ আশা,,
লেগেজ নাড়ি খজায় রাকাব
খজায় চেতান সাসাব,
জীওয়ি নিতঃ আকাব সাকাব
তিসরে হাপেন সাপাব,,
পোহা দারে বাহায় আটেদ
হয়তে আলয় পাটেদ,
তিসরে উডৗও হিজুঃ লুতি
সন্ধাড় বাহায় জটেদ,,
একলা দুড়ুব বুঝৗঃ নিশুন
সাহস বাঙে কুড়ৗউ,
আহির গাহীর মন মিলরে-
অকয় চেঃদে ছুড়ৗউ,,
জীয়ন রেনাঃ মুচৗদ আশা
নিতহঁ আডি বাকি,
চাঁদো ঠেনলে মানত বাড়ায়
তিসরে আদয় সাখি,,
হয়রে কাথা অটাং আলে
ভেদাও আপে পালে,
হিজুঃ পেগো সাগুন পেড়া
কয়ঃ হররে আলে,,
0 Comments