SANTALI SHAYARI
Search ON Youtube - Santali Shayari
সারহাও আদিম তুমদাঃ টামাক
রেগড়া রিড়িম রিড়িম,
জৗতি রেঁগেজ ঞেলঃ রেহঁয়---
কেটেজ সাঁওতা সাড়িম,,
নানা হুনৗর এনেজ সাঁওতে
রু হঁ ভেগার ভেগার,
বানুঃ তাক ছাতিক জাতি--
বাক বাডায় তেয়ার,,
যুগ সালাঃ তালব মিলৗউ
সাঁওতা বাবন ঢিলৗউ,
বাড়িজাঃ বন সালায় বরম
নাপায়াঃ বন বিলৗউ,,
মেনাঃ তাবন সাঁওতা কিসৗড়
মনেগে তাবন নিচৗড়,
নওয়া মনে দেবন গুছৗউ----
নাওয়া মেদবন বুসৗড়,,
সাঁগিঞ খনগে বাডায় ঞামঃ
আদিমাঃ রু রাহা,
হয়তে অটাং বাড়ায় গটা-----
নিতহঁ মেনাঃ যাঁহা,,
ঝৗই করতাল রেগড়া টামাক
মিঃদতে যখন সাডেঃ,
বাক জাপিদ বঙ্গা বুরুহঁ-----
আক হঁক লাডেঃ,,
আঁঞ্জম তেগে বাডায় ঞামঃ
সেরওয়া রীতি নীতি,
বুঝৗউ মাবন এহো আদিম-
এহো নাগাম জৗতি,,
মেনাঃ তাবন নাপায় এনেজ
বাবন আনেজ ধানেজ,
তায়ম বিদৗল হড়ক লাঁদায়-
বাংরে খেনেজ খেনেজ,,
বঙ্গা চালাঃ এনেজ সেরেঞ
মোটে বাবন ঢিলৗউ,
বয়হা মিশি সৗগৗই য়াতে---
মিঃদ তালবন মিলৗউ,,
বাপাগ লাগিদ আদিম জৗতি
ঞেলঃ ছাতিক হুতি,
রু রাহারে ভাগে খজা-------
সানায় আব গুতি,,
বাবন কাঁড়ায় বাবন ছাড়ায়
বরম দেবন সেঁড়ায়,
রু রাহারে জৗতি যুমিদ----
চাঁদো দেবন গড়ায়,,
এভেনঃ পে আদিম জাতি
জেরেদ পেহো বাতি,
রু রাহালে সাডে কেদা---
নিঝুম সাড়া সাথী,,
0 Comments