SANTALI SHAYARI
Search ON Youtube - Santali Shayari
ছাডুই মাত বাপাগ আড়াং--
ঘারঞ্জ ইতৗং ঝাড়াং,
বাড়িজ মেদতে চাঃব ঞেলা
দেবন ভাবিত মাড়াং,,
ছাডুই রেনাঃ কারন মেনাঃ-
ঘাতির মনে তেনাঃ,
সাঁওতা সমাজ বাঙে ঠিকৗই
নিতঃ রেঁহয় দেনাঃ,,
মনের কাথা গাহির উনুম-
যেমন তাঁহেন বুনুম,
বাং সুহিলেন সাসাং সুনুম
ভিতির দেবন তুনুম,,
আজকা বাড়িজ বাবন মনে
কাঁহিস ঘানে ঘানে,
দেবন খলন মলং চিতৗর---
চিকৗ তেবন রানে,,
জাঁগা লাহাঃ তায়ম মাড়াং
যেযার পাওড়ি যেমন,
মিদ ঠাঁওরে রহয় দারে---
ভেগার ঞেলঃ তেমন,,
বার পাহাটা মনে জীওয়ি
বাংগে যুদি মিল,
চিকৗ কাতে হড়ম জিরৗও
টেঁডার মাচিম বিল,,
ঝত হাসারে ঝতম আবাদ
বাংগে হুয়ুঃ চাষ,
আধান আধান হুয়ুঃ রেঁহ--
বাংগে বারোমাস,,
সাঁওতা রেনাঃ নওয়া চিতৗর
নিতঃ ঞেলঃ হাজার,
মানমি হপন হালে ডালে----
যেমন বুল বাজার,,
আজতে লিঙিন সের্ম্মা জাড়ি
বুঝৗউ তাহাও তাহাও,
আজকা বাঁধেম তিগুয় রেদ-
চিকৗ কাতেয় সাহাও,,
অকয় বুঝৗউ উনি সুঝৗউ
দেলা মনে ভিতৗর,
মনে আলম কাঁহিস বুডি--
ডাহার আডি উতৗর,,
0 Comments