SANTALI SHAYARI
Search ON Youtube - Santali Shayari
আমদ মিতৗম হরঃ চিনেন
তেহেঞ খনেম ঋনেন,
চালাঃ লাগিদ এটা অড়াঃ
পালে দিনক দিনেন,,
সুনুম সাসাং নাওয়া হরঃ-
তেহেঞ খনেম পরঃ,
চিনহৗম আতাং সোনাচুড়ি
নওয়া তেগেম দরঃ,,
অকয় বাডায় মলং লিখন
তিনৗঃ আমাঃ চিকন,
হাঁডে নাডে জমাঃ বিখন--
নাপায় নাওয়া শিখন,,
সৗগৗই তালাং তপাঃ গদঃ--
নাওয়াম নাকিজ রদঃ,
সুখরে বাড়ে তাঁহেন মেআম
জাঁগা আলয় হদঃ,,
উইহৗর হিজুঃ সৗগৗই তালাং
সুমুং আলাং আলাং,
বৗড় বুটৗরে দুড়ুব দুড়ুব----
বাহা মালা গালাং,,
জানাম দিশম হিড়িঞ গদঃ
আদ আমেম আদঃ,
বৗইহৗড় হাকুরে সুনুম সাসাং
যেমন পটম লাদঃ,,
চাখা বিডৗউ হড়ম আমাঃ-
নাওয়া নাওয়া দামাঃ,
আলম ভাবি কুকমু ঞামাঃ
পরে হটর রামাঃ,,
কুড়ি হপন এটাঃ অড়াঃ---
পৗটয়ৗ লেকায় কড়াঃ,
যাঁহা তিনৗ কামি রেঁহম----
অারহঁ অঁজরা গড়াঃ,,
চিনহৗ চুড়ি তিরে জুলুঃ--
আমেম দহ তুলুঃ,
মঁড়ে হড়াঃ মঁড়ে টুকুজ---
হাপেন হিলঃ দুলুঃ,,
সিঞ দুয়ৗর লেবেদ গাঁডে-
মেনাঃ জানুম টাঢে,
তালম কাতে পারম হুয়াম-
লৗইয়াম আখড়া সাডে,,
0 Comments