SANTALI SHAYARI
Search ON Youtube - Santali Shayari
বিছক জ্বালা রাগাম চেড়ে
ডৗররে কেঁড়ে কেঁড়ে,
মেঃদ দাঃগে লিঙিন তামা
ঞেলাঞ পেঁড়ে পেঁড়ে,,
খেমাও লেনা সুখের ঘারঞ্জ
জুরি জুপরি য়াতে,
গাতে খনেম ছুডৗর রেনা--
নিতমা কুডৗম সাতে,,
উইহৗর এদাম সৗগৗই কাথা-
গাতে অটা মায়া,
হিড়িঞ গিডি লৗইয়েদ রেঁহম
চিকৗম হিড়িঞ কেয়া,,
মিদতে উডৗউ দাঁড়া বাড়া--
নিতমা হুয়েন ছাড়া,
ধুঁদগে ঞেলাম উসুল আড়া
মেঃদগে যেমন কাঁড়া,,
জমঞু করে গরজ বানুঃ
মনেমা অৗনছৗনুঃ,
বৗই বৗইতে হড়ম জীওয়ি
নিতমা আমাঃ হৗনুঃ,,
সাগিঞ দিশৗম দিশৗ লেদা
অকয় ছাডা কেদা,
মিঃদ ডান্টিজ পটম বাহা---
চেদাঃ চাঁদোম গেদা,,
নিতমা বীরহঁ নিশুন বুঝৗঃ--
বতর বুঝৗঃ কড়াম,
জীওয়ি রাড়েজ মনের কাথা
অকয় আদয় রড়াম?
আমমা চাঁদো কেচাঃ খনাঃ
আরহঁম পুরৗউ গদঃ,
ইঞদ অকয় এমাঞ গেদাঃ
চেদতে মেঃদিঞ জদঃ?
0 Comments