SANTALI SHAYARI
Search ON Youtube - Santali Shayari
সজঃ আদিম মডেল,
আদিম দব সাজাঃ কানা
ছাতিক লেকা রডেল,,
এনেজ সেরেঞ গটা ঞেলঃ
জীয়ন চিকৗয় মেলঃ,
আব কওয়াঃ হিড়িঞ কাতে
ছাতিক রেগেম সেলঃ,,
রড়তে লাজাও জৗতি কাথা
ঞেপেল রপড় করে,
মরন নেনাম আদিম বয়হা-
অলঃ পাড়হাও পরে,,
অকা লেকান জাতি বয়হা
নিতঃ হবন কাঁয়া,
উকুর তাবন ধরম সরম--
নিতহঁ বেগর সায়া,,
আধান মাবন দিকুঃ কানা-
ঞুতুম বদল কাতে,
হিড়িঞ চাবা পাহিল রেনাঃ
যখন কুডৗম সাতে,,
রায় রিতক তুনুম কাতে---
দিকু ছাতিক সানায়,
বাবন ঠিকৗয় উলঢৗ মেঃদ
উনি অকয় কানায়,,
আঁপড়ে রেনাঃ বাখরা জুড়ু
হাপেন চপজ জমায়,
তায়ম দারাম পরেম বুঝৗউ
ভাগরে যখন কমায়,,
অকা লেকান লাহা বয়হা-
কাথা ভাবিত রেনাঃ,
তিসব উটৗয় আসল কাথা
গাহীর মাছা তেনাঃ,,
আদিম যোগাও দারে নাড়ী
যখন চালাও চাবাঃ,
উনদ পালেন আরহঁ দৗড়ৗম
গটা কাবাঃ কাবাঃ,,
লাহা দবন লাহা হাকান-
বাং বুজতে পালে,
ধারতী টুডৗং দিশম রেদ
নিতহঁ আব বালে,,
0 Comments