SANTALI SHAYARI
Search ON Youtube - Santali Shayari
হাহাড়া অামাঃ কৗমি,
নওয়া ধারতী তালা রেদ-
ঝতম খনেম দামি,,
মিঃদ ধারেতেম বেনাও বুরু
উসল চারা চুরু,
মিদধারে দম অগম দারহায়
আমগে জীয়ন গুরু,,
হাঁডে নাঁডেম গাজাড় বীরা-
গটাম রহয় জহয়,
জীব জীয়ৗলি রাণ মুরগৗন
সার্থী কাতেম দহয়,,
গাহীর আমাঃ তম্বা দাঃখন
বেনাঃ রাহলা রিমিল,
বৗত ক্ষেতরে যখন ঞুরাম
জীয়ন আরহঁ সিবিল,,
আম ঠেনগে সিতুং জাপুদ
আমরে রেয়ার রাবং,
ইনকৗ তেগে জীব জিয়ৗলি
লাহাঃ কাবাং কাবাং,,
আমাঃ আশীষ তিতেম ঘৗই
হানতে নাতেম নৗই,
মানমী আঁগি কামিম জুড়ুন
অকয় লৗইয়াঃ কৗই,,
লিঙিন দাঃএম লিঙি আগুই
ঝতম দরয়া তালা,
নংকা তেগে জীয়ন ইতৗম---
মেটাও রহড় জ্বালা,,
এনহঁ মানমী বাংক কুশিঃ---
চেদক চক খজা,
পাপতে লিঙি মায়াম ঞেলঃ
তাড়াম পিছুয় অজা,,
আমাঃ মহর চিনহৗ বানুঃ
এনহঁ জীয়ন অৗনুঃ,
মিছৗ হড়ক বেনাও মেয়া
মুঠৗন রঁগ হৗনুঃ,,
কৗউডি টাকা রেনাঃ গরম
বাঙেম ঞেলা করম,
রহড় তিয়ৗঃ কয়রে বরম--
আমেম ঞেলা সরম,,
0 Comments