Dular Bejar - দুলৗড় বেজার || Santali Shayri ||

SANTALI SHAYARI

Search ON Youtube - Santali Shayari

সেতাঃ খনেয় রিমিল কেদা-
পালে আকাল জাড়ি,
চিকৗঞ লহদ নাওয়া গেঁদাঃ
বাঁদেন সায়া শাড়ি,,
গাতেঞ সালাঃ কাথা নেডা
মেনাঃ তিকিন বেড়া,
হিজুঃ চেতা সাগিঞ দিশম
ইঞিজ নাওয়া পেড়া,,
ইঞিঞ বাঁদেন পাঞ্চি শাড়ি-
আজহঁ টায়াল ফুটৗ,
ঞেপেল মাহায় সাগুন সারি
বিজোড় তালে বুটৗ,,
রিমিল গেতম আনাট কেদা
গাতে চিকৗয় ঞেপেল,
ইঞমা মিনৗঞ কয় দারাম--
রৗস্কৗ চেহেল চেপেল,,
আমদ রিমিল আডিম ইয়ৗ
যেমন পটম কিয়ৗ,
উকু দানাং মহক সঃ তাম
অকয় কেমায় চিয়ৗ,,
ইঞরে গাতে বেজা রঃআয়--
পালেন দুষিয় গিডি,
আলিঞ মুঁদরে তাপাম তুপুদ
আলম কালট সাঁডি,,
তিরে আদঞ উডু কঃআ-
গটাম ঞুতৗত আগুই,
পালে ইঞাঃ বাঁদেন শাড়ি
লহদ কাতেম ঝাবুই,,
হিজুঃ মেরে হালায় হয়-----
অটাং ইদি রিমিল,
ইঞিঞ চালাঃ মনে বাড়িজ
আতাং আগু সিবিল,,
রৗস্কৗ চেহেল চেপেল মনে-
উয়ুং কয়গ ঘানে,
আমদ রিমিল চিকৗম বুঝা
দুলৗড় রেনাঃ মানে,,
কাথা রড়ঃ হাজার হাজার-
দাঁড়ান গটা বাজার,
আমদ রিমিল চিকৗম বুঝা
দুলৗড় রেনাঃ বেজার,,

Thank’s By – Kunami Baskey

Free Forward Mobile Message

__________

Apna Friend's Ko Share Kare