SANTALI SHAYARI
Search ON Youtube - Santali Shayari
বছর পুরৗউ যাঁহা,
উল ঢৗউরৗঃ মানত জহার---
অাপে খাতির লাহা,,
সানাম কঠেন কয়দ ইঞাঃ
আশীষ আপে ঠেনাঃ
কিরিঞ ঝিরিঞ কদ আল
কৗউডি টাকা রেনাঃ,,
বাংআ মানত সাহেব লেকা
কেকেক কেচাঃ কাতে,
আদিম দবন ভেগার গেয়া-
বুঝৗউ মাবন যাতে,,
মোম বাতিক জেরেদ আল-
জেরেদ দেহে মালী,
আদওয়া রিদাঃ ধূবি ঘাসতে
আদিম অৗরি চালি,,
চপদ বেলুন বাবন ফুলৗউ---
ভিতর বাহের করে,
ছাতিক সালাঃ বাবন গুলৗউ
হাসুয় বুঝৗঃ পরে,,
দেহে মালিতে ঞঁড়হে কাতে
আদওয়া ইরচি গাতে,
ধুবি ঘাসতে পেড়তা কেচাঃ-
নওয়ায় হুয়ুঃ যাতে,,
জমদ বাঙা জেরেদ কেক
লাডু মিঠৗই সালাঃ,
বেনাও য়াবন খিরি লেট--
হাটিঞা বন খালাঃ,,
জমায় জমায় বাঙে জমা
আচার রীতি সেঁড়া,
রাগিঃ রেদয় বাগিন হুয়ুঃ
সৗগৗই বরম পেড়া,,
চিনি লাডুয় আতরা হেড়েম-
পিটুক লুটি করে,
মায়াম হাটিঞ আপে সালাঃ
ঞাপাম হুয়ুঃ পরে,,
সিবিল মচাঞ সদর আপে-
গাহির কাথা তেনাঃ,
আপে রেনিজ মিশরা পালে
পাহিল সৗগৗই রেনাঃ,,
আদিম জৗতি চিনহৗ ইঞাঃ-
জৗতি রেগেঞ পেড়াঃ,
বাংআ এটাঃ কওয়াঃ উধৗর
তবে নাতঞ সেঁড়াঃ,,
হাপেন অামাঃ আকা বেলুন
হয়তে অটে জঃআ,
উনরে ছাতিক দুয়ৗর বাগিন
মলং জটে দঃআ,,
0 Comments