উনকু ক কামি কান - Hanku Ko Kami Kan | Santali Poem | Santali Onorhe |

SANTALI SHAYARI 🔎Search On Youtube

 উনকুক কামিকান                    টাঁড়িটিকুরকরে       সিতুং ঝার্লাঝার্লি                       উমূলদ বানুঃআন্।      উনকুক কামিকান                     বৗই্দ বৗইহৗড়করে         সেতাঃখন সিঁগাড়্ হাবিচ্                       লাঁঙ্গাদ বানুঃআন্।     চাষীক কামিকান                  খেৎবৗদরে,     আরজাওএৎক           সানামকলাগিৎ জমাঃ,      হানে তিস্ খন্ চং    চাষকএহব আকাৎখনাঃ।    আষাঢ় আঁঘাড়্ কামিআক,        আরজাওআক          সানামকলাগিৎ জমাঃ।      উনকুক কামিকান                  ইটৗভাটাকরে,    গিদৗরপিদৗর মেনাঃকআ         ইটৗখাদানরে কুঁবৗকাতে,                      ইটৗক বেনাওএৎ।      উনকুক কামিকান                কয়লাখাদান করে        খাদানরে কামিকামিতে                  সানা ক হেঁদেঃআকান।     উনকুক কামিকান                 আসাম কাছাড়রে,                     চা বাগানকরে      বালেগিদৗরক হেঁওকাতে,     সেতাঃখন সিঁগৗড়হাবিচ      কড়াকুড়ি সানামক ধুরাউআকান।         এনহঁ বাংচাবাঃকান রেঁগেজ্       মেনাতাক অড়াঃদুয়ৗর                      ত্রিপালতে এসেদ্।        উনকুক কামিকান              জমকাতে বৗসকৗঃ মাজান           উনকুক কামিকান                 হরডাহারক বেনাওএৎ,         হাসাধিরি তাড়াওকাতে                মাঃকাতে বুরু,       পারমলাগিৎ গাডিঘড়া             ধুরাউ আকানক উরুসুরু।    উনকুক কামিকান             উনকুগে সির্জনীয়ৗদ,       উনকুয়াং উদগৗর মায়াম           ধার্তীরে মেশামেনাঃদ।    উনকুয়াং উদগৗর দাঃতে                 সির্জাউআকান,   দালান অড়াঃ,               আরহঁ বঙ্গাথান।    এনতেরেঁহ  বাকঞামা বলঃ     বাবুকদ লাটুজাতিক অলঃ।    নংকাগে মেনাঃ যুগযুগখন            আর নংকাগে তাঁহেন,   এনতেরেঁহ কামিকান হড়কদ          বাংক থির আকান,      ধার্তীরে লাচরেঁগেজ্ খনাঃ,           চেৎ মেনাঃআ মারাং?    কামিহড়ক থিরলেনখান                    গটা ধার্তী থিরঃআ,   এন্তেরেঁহ         কামি হড়মা মৗনবাক ঞামা।   হাহাড়াঃগে সির্জনিয়ৗআঃ             নআ সির্জনদ,    যুগযুগব ঞেলকআ,               হানকু           উনকুক কামিকান ।

WRITTER BY - STAN SOREN

Free Forward Mobile Message Apna Friend's Ko Share Kare