SANTALI SHAYARI
Search ON Youtube - Santali Shayari
ইঞাঃ ভর জুয়ৌনরে আম গেত পরান দা
দুলৌড় পাশি তেম ছাঁদা কিদিঞা ।
আমাঃ জুয়ৌন হড়ম রেনাঃ হেড়েম সিবিল
গাবে রাসা তেগেম বুল লিদিঞা ।।
দুলৌড় সুতৌম তেম গুতু গালাং আকাদ
মিলন মালা হটঃ রেম হরঃ আদিঞা ।
ইঞাঃ তিরে তি সাব কাতেম মেতা দিঞা
তিশ রেহঁ আদ একাল বাম বাগিঞা ।।
আলাং তালা দুলৌড় সৌগৌয় ঞেল কাতে
আলে অড়াঃ হড় মাত-ক মানাঞা ।
জাঁহা তিনৌঃ মানা বাধা বাচক কাতে রেহঁ
আম সাঁওতে ঞাপাম গেচ সানাঞা ।।
আয়ো বাবা বাচক বৌঞ আঁজমেদ খাতির
রাগিতে ইঞ মারাং দাদায় তলেঞা ।
কচা রেনাঃ অনা সারজম ঠেঁগা সাব কাতে
আলে ইঞ মারাং হিলিদয় দালেঞা ।।
উনৌঃ হালাক হারকেদ চিকৌতেঞ সাহাও
নংকাতেদ একালক দাল গজেঞা ।
লৌয় মেসে পরান দা চেদাঃ মেনামা থির
আপে অড়াঃ তেদ তিশেম ইদিঞা ।।
আদ আলম রাগা পরায়নি মৌই........আদ...
মেৎ দাঃ অহঞ ঞেল সাহাও কেয়া ।
আলাঙাঃ তাড়াম ডাহার-রে জাঁগে কানায়-ত
তেহেঞ আম দাদাঞ উদুঃ আয়া ।।
তিনৌঃ মেনাঃ তায়া কচা রেনাঃ সারজম হাপা
তেহেঞ দ ইঞিঞ এডাও আয়া দেয়া ।
জানুম ঝান্টিতে তাড়াম ডাহার এসেদঃ রেহঁ
আমদ আলে অড়াঃ তেঞ ইদি মে গেয়া ।।
বা-হঁঞহারিঞ হোয় দাড়েয়াঃ আলে রেঁগেচ
এন হঁ পালেন রেঁগেচ তেদ বানুঃ লেয়া ।
আঁজম বিন হড়ম দাড়ে লে খাটাও লেখান
মিৎ দিন হিলোঃ দলে কিষৌড়ঃ গেয়া ।।
পরায়নি মা সাব তিঞ মে ইঞাঃ নওয়া তি
ঞেলেয়ৌঞ অকয়ে আকটেদ মেয়া ।
তাড়াম ডাহার-রে জানুম লেকা-ক চাঙ্কেঃ খান
ঞেলেমে নডে গেঞ গচ উতৌ রেয়া ।।
0 Comments