SANTALI SHAYARI
Search ON Youtube - Santali Shayari
ডাংরি মেরম গুপি তুলুজ
জরঃ দুলৗড় সুলুজ,
আমরে মনে ঝালি য়েনা-
সৗগৗই নিতঃ মুলুজ,,
আমাঃ বহঃ রিবন ফিতৗ
হয়াঞ বিতৗ বিতৗ,
বেনাও কাতে ঘারঞ্জ তুকৗ
দহ য়ালাং ইতৗ,,
ইঞাঃ মচায় সুয়ুড় গেলায়
আম অনারেম তেলায়,
আমাঃ মনেহঁ হহ দেলায়--
জুলুঃ চাঁদো ঞেলায়,,
ঞেপেল ঞাপাম ডাহি ডুংরি
অডাও লেদাঞ মুগরি,
সাক্ষী নিতহঁ চিনহৗ তালাং---
বাহা বাঁদেলা পুখরি,,
এহের জিকি দুড়ুব হাড়ুব--
লকা গুটিলাং চাল,
নংকা তেলাং পারম হালাং
আলাং জীয়ন কাল,,
ইঞাঃ চালতে হামর অড়াঃ
দিন দিনতে বাড়হাঃ,
মায়া ঝৗলিরে পাসি ঝালিঃ
উকুর নিতঃ ছাড়াঃ,,
সাগিঞ আমেম চালাঃ রেদ
গরজ কাতেঞ হয়াম,
নৗই বালিরে গেলেজ কাতে-
আঁজলে দাঃইঞ ঞুয়াম,,
কুশিঃ আক ডাংরি মেরম---
উডৗঃ লুতি তেরম,
আউরি মনে পেরেজ ঞেলঃ
নিতহঁ তালাং সেরম,,
বৗসিয়ৗম খন ঞেপেল ঞাপাম
কাথা আউরি গাপাম,
বাড়তি য়েনা রেঁগেজ তেতাং---
তিনদিন আরহঁ ভাপাম?
পালেন হিসিদ হয়ে হওয়াম-
নাওয়া মনে কয়াম,
নাওয়া ডৗররে গছা পেরেজ
নাওয়া বিলি জয়াম!
0 Comments