SANTALI SHAYARI
Search ON Youtube - Santali Shayari
আতু খনাঃ সানাম ইতৗ--
চালাঃ বিতৗ বিতৗ,
বাজার হড়ক সাবা ফিতৗ
রাগায় নিতহঁ সিতৗ,,
তেহেঞ ঞেলঃ পিটুক নীতি
চাটম চাটম থুতি,
জিওয়ী ভিতির বল কাতে
খলাও যেমন হুতি,,
ফেডাৎ কাথা বাবন বুঝৗউ
হড় খালিক রিঝৗউ,
অনাদ পালে বাবন ভুজৗউ
হুয়ুঃ তাবন সুঝৗউ,,
হুয়েন জৗতি ছিতি বিতি----
আব তেহেঞ গুতি,
তিনদিন আদ সাহাও আবন
আরহঁ কাতে ক্ষতি?
বাংদ তাবন মলং বাড়িজ----
হাসু তেহেঞ আড়িজ,
বাড়তি চালাঃ কিড়িজ কিড়িজ
জীয়ন ঞেলঃ বাড়িজ,,
জাতি তেহেঞ ইকিল সিকিল
বানুঃ সোহাগ সিবিল,
ঘারঞ্জ ঞেলঃ আডি রেহেঞ
সাজাঃ হেঁদে রিমিল,,
জীয়ন তেহেঞ লেবেদ লটম
বানুঃ উয়ুন পটম,
রাজ অৗরি খন দুড়ুব দুড়ুব--
ঞেলঃ কানা চাটম,,
বাজার খনক রড়েদ হাজার
আবন লাগিদ ভেগার,
এনহঁ উকুর বুঝৗউ তাবন---
হুয়েন ইতৗ আজার,,
0 Comments