SANTALI SHAYARI
Search ON Youtube - Santali Shayari
তিসদ আদিম আমেম মাড়াং
নিতহঁ ইতৗং ঝাড়াং,
গটা গেতম ঞেলঃ কাড়াং---
যেমন চারেজ খাড়াং,,
পকঃ রেট লেকাম ফুলৗঃ--
ভাটি রেগেম চুলহৗঃ,
বাংমা চেতাম লাহা আকান
ছাতিক সাঙেম তুলৗঃ,,
সামাং তামাম আদিম গরব
ঞেলমে পাতা পরব,
ঢডরা মারুড় রহড় মাঃদ--
সাডেঃ ধরব ধরব,
হড় ঞেলতে আমেম রাগিঃ
বাংমা সানাম ভাগিঃ,
হাঁডি ভাটিরে জবে কাতেদ
আমমা আরহঁম দাগিঃ,,
বাঙেম হিড়িঞ পিলচু রাসা
নিতহঁ অনাম চাষা,
হড়ক জমা হেড়েম সিবিল--
আমদ খজাম কাসা,,
টুকুজ ঠেনেম অতা হচঃ
বাং সানামে অচঃ,
গহড় গসড় আগুম রেঁহ
আরহঁ সানাম খেচঃ,,
গরব গরব মনেমা তাবন--
পৗছরে নিতহঁ আবন,
নিতহঁয় জুলুঃ আব অঁড়গা
অনা তেগে রাবন,,
পৗইলৗ সেটের কাতে রেঁহ
চেদব চিকৗ কেদা?
ঞেল কাতেহঁ কাঁড়া আব--
তিসব পটব রেদা?
বঙ্গা খঁডরে অম্বাঃ জাপাঃ-
নিতহঁ বুকৗ তপাঃ,
ফালতু রড়াঃ সেদায় হড়াঃ
নিতহঁ জীওয়ি ঝড়াঃ,,
ঘারঞ্জ গেত পৗইলৗ খৗরৗই
তিসদ অনাম ঠিকৗই,
অঁডে সানাম তেলা রুয়ৗড়
তবেয় হিজুঃ নিরৗই,,
0 Comments