SANTALI SHAYARI
Search ON Youtube - Santali Shayari
মনেঞ বুঝৗউ কুশি কুশি
উয়ুং মনের পুষি,
দিন মাহাক সেটে রেনা--
অকয় লৗইয়ৗঞ দুষি,,
হাজুঃ কুণৗমি মুলুঃ চাঁদো
সেটে রেনা আদ,
তাঁগি তাঁড়াঃ বাপ্লা দিনক
নেডা মাহায়েন আদ,,
সাগিঞ দিশম ইঞিঞ চালাঃ
ঘারঞ্জ লাগিদ জ্বালাঃ,
নাওয়া হঞার হানার সালাঃ
গ বাবা কিন বালাঃ,,
বাগিয়া কওয়াঞ আতু কুড়ি
সাজাঞ মেড়েদ চুড়ি,
দৗউড়ৗ চেতান সাসাং গেদাঃ
আতাং সিঁদুর ধুড়ি,,
হিজুঃ পেহাঃ দিশম পেড়া--
এনেজ ঞিদৗ বেড়া,
সাগিঞ খনাঃ মেদিঞ দিশৗয়
মেঃদতে ইঞিঞ রড়া,,
আপে লাগিদ নেওতা তলঃ
কুলহি ডাহার বলঃ,
সাঁওতা রেনাঃ উল ঢৗউরৗঃ
নিতঃ রেঁহ অলঃ,,
আর কটাদিন গাতে সালাঃ
গাতে গাপাতেঞ চালাঃ,
ইনৗ পরেদ নাওয়া ঘারঞ্জ--
গাতব জাওয়ায় সালাঃ,,
ঘানেঞ ভাবি ঘানেঞ উইহৗর
ডাডি দাঃলু করে,
দিন মাহামা নিতহঁ সাগিঞ---
নিতঃ খনে অরে,,
Writter - Paran Chandra Baskey
0 Comments