SANTALI SHAYARI
Search ON Youtube - Santali Shayari
তায়ম খনাঃ আলম হওয়ৗঞ
সৗগৗই তপাঃ কেদৗঞ,
আমাঃ এমাঃ মেড়হেদ সাকম
হররে গিডি কাদৗঞ,,
ঘারঞ্জ ততল রেবেন লেনাঞ
চাতম বাখোল অড়াঃ,
বাং তিঁগুলেন কুকমু ইঞাঃ--
তেহেঞ সৗগৗই ছাড়াঃ,,
দাঁড়ান রেগে আমেম তাঁহেন
পৗউরৗ হাঁডি চেতান,
সুলুক সাড়িম চিকৗয় তিঁগুন
বেগর আম বেতান,,
নালহা তুমৗল খাঁদের কাতে
আমিঞ জম হচম,
এনহঁ উকু কুমড়ুম গেমের--
আমদ চিকৗন গেচম,,
সার সাগুন কাতেম আগুঞ-
চাঁদো সাখি কাতে,
বাংমা দুখলাং বাবের হাটিঞ
গাতে গাপাতে য়াতে,,
চাঁদো ঠেনাঃ নেহর জহার--
তেহেঞ হুয়েন ভেগার,
দালান কোঠা হুজুড় ঞুরেন
উকুর হুয়ুঃ সাহার,,
বাঙেম উইহৗর মঁড়ে কওয়াঃ
পৗটয়ৗ দুড়ুব তিঁগুন,
খালিম চাপেঃ বাপ্লা লাগিদ-
এনাং সার সাগুন,,
সেদায় রেগিঞ বাডায় লেখান
আমাঃ জীয়ন চারিত,
অকয় বাড়েয় পুছৗউ কেমায়--
তেহেঞ নুনৗঃ ধাবিত,,
ইঞাঃ মলং ইঞিঞ সলং
অজঃ আনাঞ কলং,
আমাঃ বাড়ে আশা পুরৗঃ
তিঙ্গু কেদাঞ অলং,,
যুদি যাঁহাতিস বিচৗর দুড়ুব
সারজম দারেঞ হাড়ুব,
অঁডেঞ এমা তেলা রুয়ৗড়
দনাম চুড়ুব চুড়ুব,,
0 Comments