SANTALI SHAYARI
Search ON Youtube - Santali Shayari
পাতা পরব আমেম গরব---
দৗড়াম সাগিঞ সাগিঞ,
রৗস্কৗ পালেন পারম গদঃ---
লৗইয়াম পালে বাগিঞ,,
জীয়ন হিসৗব বানুঃ তাবন
দৗড়াঃ বন দৗড়,
উমের যখন পারম চালাঃ
খজাম জীয়ন জৗড়,,
রৗস্কৗ তেবন চাপে চালাঃ
চিকৗ অনা হালাঃ,
হিসৗব যখন পরে হাতাঃ-
আদ উনেম জ্বালাঃ,,
তায়ম মাড়াং বানুঃ বিচৗর
ভেলে রৗস্কৗ তাবন,
গাড়ি চেতান দাঁড়ান তেগে
পুইসৗ চাবাঃ তাবন,,
বার পুইসৗ পাতা পরব--
সাডেঃ ধরব ধরব,
মানমী যুদি বাক সুখুঃ--
চেদরে জৗতি গরব?
লাহা হড়ব তায়নম এনা--
লাজাও রেনাঃ কাথা,
অকয় সাবায় আয়ুর সুতুঃ
অনা উমুল ছাতা?
লাহা জীয়ন পরে পাতা--
জগাড় আবন বাতা,
নওয়া পালে হিসৗব খাতা
নওয়া কানা কাথা,,
তায়ম বিদৗল রেনাঃ রেতা
হিজুঃ খেতা খেতা,
হয় হিসিদে গেমের হেমের
যেমন তাঁহা রেতা,,
0 Comments