SANTALI SHAYARI
Search ON Youtube - Santali Shayari
অলঃ চেদ সাঁও সাঁওতে
কামি হবন সেঁড়ায়,
তবেয় রাকাব উপেল বঙা
দাঃ লটারে রড়ায়,,
কৗমি রেগে চরক চিকৗড়-
তির্ল্লৗ মলং অলঃ,
কুশি কুশৗল নাওয়া পেড়া
নাওয়া সৗগৗই তলঃ,,
হিসিদ হয়ায় দক্ষিন খনাঃ
হড়ম জীওয়ি ভেদাঃ,
গেমের আগুই ধুঁড়ি সিদুঁর
মলং চেতান জদাঃ,,
দানাং হচন গরব কদ---
মনে রেনাঃ ঝত,
নাপায় মুহিম সদর রেদ
কুশিঃ আলে হত,,
দারায় কানা আষাঢ় রহয়-
কামি বাবন অঁহয়,
আমগে কানাম অড়াঃ লুখি
আতাং রেতম দহয়,,
কামি আমাঃ চরকমে মৗই
আলম করাও কৗই,
বৗইহৗড় হুড়ু রহয় পরে----
দিশৗইমে আম ঘৗই,,
তি জাঁগাদ আলম উয়ুং---
সেতাঃ খনাঃ পুয়ুং,
মৗন গুনগে তাড়াম লাহাঃ
লাহাঃ গুয়ুং গুয়ুং,,
সেতাঃ তাড়াম বাবন চাঁগায়
ডাহার ধুঁড়ি রাগায়,
হেঁদে রিমিল সাজায় মনে--
মেদরে হিডির দাগায়,,
টুডৗং নাড়ি দেবন গুছৗউ--
জীয়ন দেবন বুঝৗউ,
হান্তে নাতে দৗড়েদ নাড়ি---
নাপায় সেদবন রিঝৗউ,,\
0 Comments