SANTALI SHAYARI
Search ON Youtube - Santali Shayari
নিতঃ খনাঃ সাগিঞ দিশৗম
দিশৗই হপন মৗই,
এহব কেদাম উমের রেনাঃ-
পালেন দানাং কৗই,,
লাফাং দেঃজেম সেঁড়া কেদা
জাঁগাম চঁড়গা কেদা,
নিতঃ খনেম চটেন আডি----
হাপেন হড়মম গেদা,,
পালেম খজেদ চটতে উডৗঃ
পিটুক মনেম রুডৗঃ,
মাডায় হুড়ু ঘুর ঘুরৗনি------
বুসুব লেকাম গুডৗঃ,,
তেতাং জীওয়ি এতাং গেতাম
আলম সর বরঃ,
জবে লাডুরে মুঃজএ লাঠাঃ--
পালেম হর বরঃ,,
পোহাল দারে বাঙেয় লাগাঃ
যাঁহান কৗমি করে,
হারা লিডুর মাজঃ দারে----
তবে লাগাঃ পরে,,
আমদ নিতঃ অলঃ পাড়হাও
হুনৗং মনেম চাড়হাও,
চাঃএম কয়গ এতম কঁয়ে---
মনে লাগিদ কাড়হাও,,
রেয়াড় রাবাং অৗউরি পারম
ফাগুন চিকৗম আগুই,
দাঃ বাংখান হাকু সাসাব----
জালাম চিকৗম লাগুই,,
চাঙ্গা দেজঃ দুড়ুব তিগুঁন-
আডি লগন সজা,
রৗইলৗ লাফাং দারে দেজঃ
তিনৗঃ হড়ক খজা?
নওয়া রেনাঃ তেলা রুয়ৗড়
আমরে হপন মৗই,
কাথা আলম তালম ইদি--
আলম আঁজম অৗই?
0 Comments