SANTALI SHAYARI
Search ON Youtube - Santali Shayari
সাড়ে দশরে টাটা লোকাল
ঝাঁড়গা বলন কাথা,
বিল মেনা চেদাঃ গাডি----
ভাবিত রেনাঃ কাথা,,
বাংদ লাইন জ্যামেন অকা
ইঞিঞ বুঝৗউ চেকা,
হেলো য়ামতে বাঙেম রড়া
বাংদ লুতুর নেকা,,
ঘুড়ি নিতঃ বারোয় বাজাঃ
সের্ম্মা সিতুং তাজাঃ,
বার খামচা বাস্কে জমাঃ--
এনাং রেগেয় হাজাঃ,,
ঘাট শিলৗরে মেনাঃ গাডি
বাংমা লাইন জ্যাম,
তিনৗঃ সারি তিনৗঃ নাসে
হড় খালিক ঢাম,,
তিরে বলন তামায় গাডি----
মেঃদএ সুনুম খাডি,
তাঁগি তাঁড়াঃ আমরে মিনৗঞ
নিতহঁ রহড় টাঁডি,,
টাটা লোকাল নিতহঁ আকাল
বানুঃ টাইম টেবিল,
আদ অহঁঞ তাঁহে কঃআ----
তাঁহে হচন সিবিল,,
হাটরে হুনৗং নেডা লেখান
নিঁততে ঞেপেল রপড়,
গাডি কাথা বাডায় গেয়াম
উকুর নিতহঁ জপড়,,
হপ্তা লাহা ঞেপেল নেডা--
নিতহঁ আডা মাডা,
সেতাঃ খনাঃ সেটের নঁডে-
লহদ পারম গাডা,,
আশকায়তে হেজেম মিতৗঞ
ইঞমা সেটে রিনৗঞ,
আমাঃ গেত ঞেপেল বানুঃ--
নিতহঁ তিঁগু মিনৗঞ,,
তিনৗঃ ধাঁওয়িঞ কলাদ মেয়া
মনে ইঞাঃ মেনাঃ,
হাল খাতারে হিসৗব লেখান--
ইঞরে আমেম দেনাঃ,,
চেতান হররে তিঁগুম মিতৗঞ
তলাস আল হুয়ুঃ,
অামাঃ কাথা লেকা মিনৗঞ-
নিতহঁ মায়াঃ মুয়ুঃ,,
অক্ত জানিজ আমেম হিজুঃ-
আশা লিনৗঞ আড়িজ,
হেঃজ কাতেগে কালমা হুয়েন
খালি মনে বাড়িজ,,
0 Comments