SANTALI SHAYARI
Search ON Youtube - Santali Shayari
আতাং দারাম নাওয়া বাহু
অড়াঃ সুখে সাঁওয়ার,
পিঁড়ি চেতান সিঁড়ি আবন
বানাম গহড় চাওয়ার,,
ইঞ আমদ ফুড়ুদ ফুড়ুদ
লুতি তেরম লেকা,
গুয়ুং উয়ুং বেড়া তারাস
লাগাও গদঃ ছেঁকা,,
ধার্তী অাচুর সাঁও সাঁওতে
ইতৗয় চারাও চালাঃ,
নাওয়া গাবান জুরি জতা
জহড় চাঁদো সালাঃ,,
টিকলি মহর টিকৗ সিঁদুর
বলন নাওয়া দুয়ৗর,
তপল মায়া গহড় আগুয়
ঝতয় হিড়িঞ উতৗর,,
অড়াঃ রেনাঃ বদল ছদল
নাওয়া আয়ো বাবা,
সৗগৗই এটাঃ ধারতী ধুড়ি
কামি হরায় সাবা,,
কুলুপ খুচিয় চাপা লঃআ
নাওয়া সাগুন তিরে,
হাড়াম বুঢি গজ দাঁড়িদাং
হাপেন ধীরে ধীরে,,
পিড়ি গাবান সিঁড়ি কামি
যেযার লেকা সজ,
চাঁদ জড়াও মায়া শিকড়ি
অকয় বাবন খজ,,
নিতঃ যাঁহা ইঞিঞ চিকৗই
ধিনৗং আমেম ঠিকৗই,
সাঁওতা তাবন লাহা চালাঃ
ঝতম গেবন রিকৗয়,,
‘S BY – KUNAMI BASKEY
0 Comments