SANTALI SHAYARI
Search ON Youtube - Santali Shayari
পিটুক সাকরাত সেটেরেনা
সময় বানুঃ আনা,
তায়ম দারাম সময় হেচ----
নিতদ বানুঃ মানা,,
বাখান চিকৗ বাহের উডুক
ধিনৗঞ জবে তুপুন,
হড়ক হরগ নাওয়া গেদাঃ-
পালে মনেয় উকুন,,
মনে টানিঞ পরব হাট----
হাতাও আকা শাড়ি,
সাঁওতে হাতাও তিরে হরঃ
সেকেজ জিড়িদ চুড়ি,,
কামি জাওরা পুইসৗ ইঞাঃ
পরব হাটিঞ তাঁগি,
গাতে কসাও নেডা তেহেঞ
সেনঃ চিকৗঞ বাগি,,
রপড় মেনাঃ কুলহি মুচৗদ
উডুক যেযার লেকা,
তুপুন যখেজ হুয়েন গটা-
আলয় হুয়ুঃ নেকা,,
অকয় কপে চালাঃ আনা
দেলা আলে সালাঃ,
মুচৗদ তাঁগি হানা নাওয়া-
পাটি ফুড়ুঃ খালাঃ,,
হরঃ বাঁদেন পুরৗউ লেকা----
কাটিজ খালি বাকি,
লুটি তিঞিঞ আরাঃ তরায়
মচাঞ তিগুয় সাখি,,
কিরিঞ যখেন হানা নাওয়া
দিশৗ চালৗঞ বহঃ,
মচা গেতয় তেলা রুয়ৗড়---
কিরিঞ বাছাও জহঃ,,
সিবিল লুটিঞ সাক্ষী রপড়
অনকাঞ দর দামে,,
চড়হা দামে লৗইয়া দোকান
যুদি কৗজিঞ কমে,,
0 Comments