SANTALI SHAYARI
Search ON Youtube - Santali Shayari
আলে দিশম বুরু দিশম-
ফটো লেকায় রড়,
জুড়ুন ভিড়ৗউ উসুল বুরু
তিগু গাঁডেন জড়,,
তালম পারম হিজুঃ সেনঃ-
টাটি দুয়ৗর এসেদ,
চাঁদো বঙ্গা বাখোল পাচীর
বুঝৗম হিজুঃ রেসেদ,,
সাগেন রাকাব দারে হৗলি
দৗড়ায় মনে খালি,
গরব রেনাঃ দিশম তালে-
জীওয়ি অঁডে ঝালি,,
ধিরি চাটানি ঝারনা নডে-
লিঙিন সঙ্ঘা সঙ্ঘা,
অৗন মৗনতে বহেল উডুক
মেনায় যেমন বঙ্গা,,
আচুর বিহুর লিঙি চালাঃ
তাপিঞ কাতে ধিরি,
চেঁড়ে চুপড়ুজ জবে তুপুন
দিনৗম নঁডে হিরি,,
সাগিঞ ফটো চিকৗয় রড়া
চিকৗঞ কুলা পেড়া,
বার মেঃদতে ঞেল ইদিপে
তাঁহেন দিনৗম বেড়া,,
আপে কখন ভেগার পালেন
নওয়া গেতিঞ রড়াঃ,
জিয়ৗড় মেনাঃ আদিম চিহ্নৗ
"নিতহঁ পাহিল অড়াঃ"
0 Comments