SANTALI SHAYARI
Search ON Youtube - Santali Shayari
ঞেঞেল জুরি পারি,
লটা দাঃ ক আতাং পরেঞ
সুরায় দাকা থারি,,
বেড়া রাকাব অডোক হানে
তিকিন বেড়ায় সেটের,
ঠেকা হারুব কালট সিমে--
জাওয়ায় কেদে পেটের,,
সেতাঃ রেনাঃ লল দাকাঞ
আঁঁড়তি লু সুরায়,
কালট সিমাঃ ঝালট রাশে-
দাদায় জম তরায়,,
কুশি কাতেয় রুয়ৗড় চালাঃ
সৗগৗই সাবুদ বালাঃ,
হিরিজ পাশির যাঁহা তাঁহেন
অনায় সাগুন তালাঃ,,
তাঁহেন যুদি রাগি উসৗদ---
হাপেন মিট মাটায়,
জানাম আয়ো হিজুঃ পরে
লুগড়ি লাপ ঘেঁটায়,,
বাবায় হিজুঃ দিনৗম পরে
মায়ায় গহড় সুরে,
সামাং রেগে জানাম মাহা
অনাঞ তাঁগি হরে,,
মেনায় মিদটাং হেঁদে সাঁডি
আউরি উনি হারাঃ,
ইনৗঃ তেগে হারা জুটিজ---
পালে সেঁড়ায় রারাঃ,,
জিলহঁ কাটিজ পাকট ইসিন
সিবিল মেশা জমঃ,
রহড় দাকায় গাবাও রাশে--
ভাগরে বাঙে কমঃ,,
বিঁদি সুতৗম লেকান কাথা
হাপেঞ গাঃ কাঃ,
দাদায় দুলা সেপেঞ লটা
সৗগৗই ভিতির দাঃ,,
আমগে দাদা ইতৗ সারেজ
পাতড়া ফুড়ুঃ চারেজ,
যাঁহা তিসরে নেঁওতা হহ---
সৗগৗই আলম রেরেজ,,
আমরে গরজ কুশি হহয়
তিসরে আমেম রহয়,
আলম ডুগি ইতৗ সারেজ
হাপেন চেদেম দহয়,,
যাঁহা তিসরে নেঁওতা হহ-
যেনয় গহড় ইদিঞ,
আমাঃ মচা সিবিল তেগে
ইঞে পটড়া রেদিঞ,,
1 Comments