SANTALI SHAYARI
Search ON Youtube - Santali Shayari
হাপে চে এম চিকৗই,
গেঁদাঃ যুদি বাঙেম আগুই-
আমাঃ মনেঞ ঠিকৗই,,
রহয় তুতুদ খনেম এড়িঞ
এনহঁ মিনৗঞ থির,
বাংগে যুদি আগু য়ৗঞৗম
যাঁহা সেদিঞ ঞির,,
হালাক উসৗদ মুলিন গস----
মহর মুঠৗন ইঞাঃ,
রাগি তেগিঞ মেলদ বাড়ায়
যেমন আলাং বিঞাঃ,,
রপড় তালাং পাঞ্চি শাড়ি-
হাপে চেদেম আগুই,
এটাঃ শাড়ি অহঞ বাঁদেন
ইঞদ লাগুই পাগুই,,
গাতে কমাক উদুঃ অৗঞা--
আক কিরিঞ গেঁদাঃ,
আমতে গরজ কুশি কিরিঞ
এনহঁ টানি চেদাঃ,,
নিতঃ তেমা সেটের কাথা--
চিকৗম বিলম য়েনা,
নাওয়া শাড়ি জটেদ বেগর
মনে চিকৗঞ তেনা,,
লুহুক এদায় কাশি গেলে-
এড়িঞ কানাম পালে,
অটাং আদঃ মনে জীওয়ী
আলম হালে ডালে,,
বানুঃ তিঞাঃ মনে জারি
নিতহঁ সোনা থারি,
বুঝৗউ কাতে গেলাং রড়া
আলাং অরা পারি,,
সাকরাত রে জবে তুপুন-
বাঁদেন নাওয়া গেঁদাঃ,
ডাঁডা লিসয় লসয় ইঞাঃ
পাঞ্চি শাড়িঞ বেধাঃ,,
তিনরে আমেম হিজুঃ কানা
মেঃদএ কয়ঃ তাঁগি,
পাঞ্চি শাড়ি চালৗঞ মেগো
তবেঞ বুঝৗউ ভাগি,,
0 Comments