SANTALI SHAYARI
Search ON Youtube - Santali Shayari
ডাডি কুঁইরে দাঃইঞ লুলু
বালতি ডাবুর আতে,
অকয় ভালা গাঁডে তিঙ্গুন
ইঞরে কয়ঃ কাতে,,
সেতাঃ রেগে চেহেল চেপেল
মনেয় গুয়ুং গুয়ুং,
উমুল লেকায় পিছৗ কিদিঞ
খালিয় কয়ঃ উয়ুং,,
বাংদ চেদক লৗলৗই সানায়--
বাংদ তেতাং কেদে,
মেঃদরে বানুঃ রিপিদ জাপিদ
কয়গ শাড়ি বাঁদে,,
সুদরে রেবেদ কুসনি বাহা-
ঝুমকৗ আকা লুতুর,
চেতান লাতার কয়গ খালি
এটাঃ কয়ঃ উকুর ,,
বাং ঠিকৗয়িজ সাগিঞ পেড়া
নাওয়াঞ ঞেলে উনি,
পৗইলৗ অকয় রড় লাহায়ায়-
অনাঞ রুনি বুনি,,
বার মেঃদরে তাপিঞ কয়ঃ
তারাস ঝলক ঞেলঃ,
হয় বারডু তাপিঞ রিমিল--
যেমন তাপিঞ খেলঃ,,
মনে ভিতরি হুডুঃ হুডুঃ--
সাডেঃ গুড়ুম ঢায়,
অকা সেদতে বল য়েনায়
অকয় বাডায় হায়,,
ঘাড়িক রেনাঃ ঞেপেল তেগে
যেমন জাড়ি নেগে,
পাশির আদিঞ সাসাং জাড়ি
আউরি ঠিকৗ রেগে,,
0 Comments