SANTALI SHAYARI
Search ON Youtube - Santali Shayari
হড়ক আকাব সাকাব,
লেওডা লসদ গাডে বাডেঃ
বেড়া বৗসয়ৗম রাকাব,,
হাড়াম বুঢি গিদৗর পিদৗর
সাঁওতে কাতে উদৗর,
যে যার লেকা ঠেমা উকুন
সালাস হাকু উধৗর,,
চেতান চাপে ডৗডকৗ পুঠি
ছাঁকাও মুঠি মুঠি,
ভিতির রেক দানাং তাঁহেন
এখেন মারাং কুটি,,
লেঁজরা গৗড়ৗই কই মাঁগরি--
লসদ অতা চুপদ,
রেপেজ আতে হড়ক সাসাব
যেন খালিক তুপুদ,,
গঃজ দাঁড়িদাং ইচৗঃ হাকু
জাঁগা বাঙে ফাঁদায়,
বাড়তি জাঁগা তাঁহেন রেঁহ
ফাঁদা জাঁগা অাদায়,,
দুঁড়ি হাকু ডয়লাং আতে
আরহঁয় উকু বলন,
সাঃবরে উনি পুচুজ গদঃ
বাড়হাঃ খালি জ্বলন,,
হুডিঞ মারাং চহাহাব রেট
হান্তে নাতেক দৗড়,
আঃদ এন তাক যুমিদ রাহা
দিনৗম রেনাঃ রৗড়,,
গিদরৗ কঠেন সাবঃ রেদয়
চাপাদ আডি সাঁগিঞ,
দন কাতেগে রুয়ৗড় হিজুঃ
যেন আলয় বাগিঞ,,
আঁদোড় চাবাঃ মঁজ পুখরি
হরেক রকম লাঁদতে,
নিশুন লেকা নিশুন বুঝৗঃ
সানাম অনা বাদতে,,
আদ অড়াঃ যেযার লেকা
হামাল লসদ মেশা,
গারয় ডাবোয় ঠেমা গছা-
রুয়ৗড় মহর নেশা,,
0 Comments