SANTALI SHAYARI
Search ON Youtube - Santali Shayari
দিনৗম পেঁগেজ পেঁগেজ,
সাগেন সাকাম ঞেলঃ লেকা
ভিতির মনে লেগেজ,,
গানাং দানাং বানুঃ তাবন--
চঁদাঃ সাসাং সড়ে,
যাগে চালাঃ মানাও বাতাও
খেমাঃ খড়ে বড়ে,,
বাংদ মায়াম রেনাঃ দোষ
রাবাং আঁঘাড় পোষ,
হড় কাথাতে দুড়ুব তিঙুন
ঞেলঃ উঠ বোস,,
বাংদ জুটৗঃ ভাগি জমাঃ--
বাংদ হরঃ বাঁদে,
সুতুঃ সুমুং জীওয়ি খাতির
হড়রে গতর লাদে,,
ভোররে ইসিন বাসাং কাতে
গিদরৗ কুডৗম সাতে,
সেদায় খনাঃ নিতঃ হাবিজ-
দৗড়রে হান্তে নাতে,,
ঝারাল সিতুং গারাল গারাল
জরঃ উদগৗর দাঃ,
আদিম কওয়াঃ মারাং কামি
বাংমা হাসা মাঃ,,
বুনিয়ৗদ রিনকু তাঁহেন হড়
নিতহঁ লহদ বড়,
যাঁহায় কবন কেটেজ এনা
নিতমা বাবন রড়,,
জীয়ন রেনাঃ রৗইলৗ আড়ে
পারম উকুর দাড়ে,
সাখি সাবুদ জিরৗউ রেগে-
নিতহঁ হেসাঃ বাড়ে,,
উসুল পিডৗ টেঁডার মাচি--
দুড়ুব বাবু ভায়া,
কুমড়ু কাতে ইঞাঃ আমাঃ
বাঁদেন শাড়ি সায়া,,
তিসরে হিজুঃ তাব গেয়ান
বহঃ কাটিজ সেয়ান,
বুলুং দাঃরে অবর তায়ান-
তিসঃ দবন ধেয়ান,,
0 Comments