সাসাং দাহিড়ী নেতা - Sasang Darhi Neta | Santali Anarhej | Santhali Poem |

সাসাং দাহিড়ী নেতা
অনড়হিয়ৌ-মৌন ডাক্তার মুরমু

লৌয় বাং বুঝৌও ইঞ কান রেহঁ
লৌলৌয় গেচ সানাঞ ।
মনের কাথা লৌয় পচর লাগিৎ
আদ আলপে মানাঞ ।।
মৌন ইজ্জত রে যদি ইঞাঃ কাথা
লাগাও আপেয়া সানাম ।
তাহলেঞ মনেয়া সান্তাড় কুয়িচ
আম হঁ বাইরি কানাম ।।
মা তাহলে খানিঞ এতহব কেদা
         তেহেঞাঃ ইঞাঃ অনল ।
জেওদ চিতৌর ঝালকাও লাগিৎ 
                                      সাব কেৎ আঞ ননল ।।
BJMPM সান্তাড় হপন জুমিৎ লাগিৎ
                               হাতাও লেৎ গেয়ায় কিরয়ৌ ।
নিত পারগানা কওয়াঃ কামি ঞেলতে
                          দিশুয়ৌ চেদাঃ হাপা-ক ঘিরয়ৌ ।।
সাঁওতা আরি লেকাতে জুমিদঃ আবন
                    কড়াম ফুলৌও কাতে মাপে লৌয়েদ ।
নিত রাজনীতিরে জুমিদ পে আখরিঞ
                          নওয়া গেত আপে-পে কৌয়েদ ।।
সাসাং দাহিড়ী ঞেলতে বুঝৌঃ কানা
                           আব কুয়িচ পারগানা গে চেতা ।
তি-রেনাঃ পার্টি ঝান্ডা সাব ঞেলতে
                           বুঝৌঃ কানা নুয়দ মারাং নেতা ।।
সাসাং দাহিড়ী কাতে TMC, BJP ঝান্ডা
                            দিশুয়ৌ তালা রেদপে গ-গেদ ।
অনা তেগেত অনে উনকু ছাতিক বাইরি
                        আবনাঃ জুমিৎ দাড়ে-ক জ-মেদ ।।
আবনাঃ জুমিৎ দাড়ে ঝাঁজরা লাগিৎ
                          তাহে কান তাকওয়া জাঁহা আঁশ ।
নিত অনা কামি পুরৌয়েন তাক খান
                            এমঃ কানাকো আঝুড়ৌ বাঁশ ।।
রাজ আরি পারগানা বাবা কওয়াঃ দ
                                 চেৎ তেৎ হঁ গে বাং চিকৌঃ ।
আবোওয়াঃ গে বরম বার টা বাজাঃ
                               জুমিদ-গে আদ বাং টিকৌঃ ।।
ঝতবন বাড়ায় সাঁওতারি কামি রেদ
                                কুড়ৌয়-দ চেৎ হঁ বাং ঞামঃ ।
আবনাঃ জুমিৎ দাড়ে আখরিঞ রেদ
                            পারগানা-ক আডি গেক দামঃ ।।
আগাম-দ নাসে হঁ বাক উয়হৌরঃ কান
                               নিজেরাঃ সার্থ গেক ঞেলেদ ।
টাকা লভতে সাঁওতা কামি এতম কাতে
                                 টাকা  বাঁদি  গে-ক  হবরেদ ।।
টাকা কাওডিতে সিটিং ফিটিং কাতে
                             সরকার সালাঃ-ক কড়পায়েদ ।
অনাতেগে পালেন লৌয় কাতে রেহঁ
                                পদ  গে  বাং-ক  আড়াগেদ ।।
তালা কুলহি রে-বন দো-সিমৌয়েদ
                                   রাজ আরি রেনাঃ চৌলতে ।
মিৎ টান আতো রেগে বারয়া গোষ্ঠী
                                 পারগানা কোওয়াঃ ভুলতে ।।
রাজনীতি রেনাঃ অঁজরা সেয়ালম দাঃ
                                    মাঝি ছাটকারে বলয়েন ।
গুনি গুরিব আব ঝত উডুল ডুবুল
                                   অনাতেগে বন বহেলেন ।।